Gjykimi që po u bëhet ish-pjesëtarëve të UÇK-së është i padrejtë. Kështu ka deklaruar kryeparlamentari, Jakup Krasniqi, ditën e sotme.  Ai ka thënë se krimet e luftës nuk mund të gjykohen kështu dhe se ka disa standarde që në Kosovë nuk po respektohen. Sipas tij, është e padrejtë që ish pjesëtarët e UÇK-së të ndiqen për krime lufte.

“Unë konsideroj që kjo që po ndodh në Kosovë nuk është krejt në standardet që ekzistojnë për vlerësimin e asaj se çka është krim lufte dhe se çka është krim ndaj njerëzimit, megjithatë drejtësia duhet ta thotë fjalën e vet qoftë për pafajësi qoftë për fajësi”,- tha Krasniqi.

Në lidhje me pikën për amnistinë e marrëveshjes Prishtinë- Beograd, kryeparlamentari tha se kjo marrëveshje do te trajtohet në seancë parlamentare.

/ Romina Qama /