Gripi i derrit shkaktoi sot viktimën e parë në Kosovë, rreth orës 07:30, në Qendrën Klinike Universitare të Kosovës.

Pacientja u shtrua të dielën në mbrëmje, në Klinikën Infektive, në gjendje të rëndë shëndetësore. Ajo kishte pezmatim të rëndë në mushkëri dhe më pas u verifikua si e infektuar me H1N1.

Gripi ishte në shkallë të avancuar dhe e sëmura nuk mundi të mbijetojë, pavarësisht përpjekjeve të stafit mjekësor.

Ndërkohë në Klinikën Infektive në Prishtinë janë të shtruar 5 pacientë me H1N1, të cilët po mbahen në terapi me Tamiflu. Gjithashtu pritet rezultati i analizave për 8 pacientë të tjerë të dyshuar.

/Romina Qama /