Klubet serbe kanë hequr dorë përfundimisht nga Liga Ballkanike. Pjesëmarrja e Sigal Prishtinës nga sezoni i ardhshëm në këtë garë e ka revoltuar Federatën serbe të Basketbollit (KSS), e cila ka vendosur që të mos garojë më me ekipe në këtë ligë.

Mirëpo, sekretari i përgjithshëm i KSS-së, Andrija Kleut e ka gjetur një tjetër arsye për mospjesëmarrjen e serbëve në këtë eveniment, të cilin e konsideron si jo të denjë për klubet e këtij vendi, transmeton Express.

“Klubet serbe nuk do të luajnë më në Ligën Ballkanike. Konkurrenca dhe cilësia e kësaj lige nuk janë shumë të rëndësishme për zhvillimin e basketbollit tonë”, ka thënë Kleut për të përditshmen serbe Kurir.

/Ariglon Pali/