Policia franceze ka vënë në pranga komedianin e njohur Dieudonne M’bala M’bala, me akuzën e mbështetjes së terrorizimit.

“Unë ndihem Charlie Coulibaly”, kishte shkruar në faqen e vet në FB aktori, çka i mjaftoi policisë t’i vinte prangat mëngjesin e sotëm.

Kujtojmë që terroristi Amedy Coulibaly më 9 janar vrau 4 persona të cilët i kishte marrë peng në një supermarket. Amedy Coulibaly u vra nga policia më 9 janar pasi kishte vrarë më parë 4 hebrenj në supermarketin e marrë peng.

Pas vdekje së tij, u publikua një video në të cilën Coulibaly paralajmëronte sulmin në emër të shtetit islamik ISIS.