Një djalë 10-vjecar ka gjetur vdekjen nën ujë, pasi po lahej në një rezervuar në fshatin Tregtan të komunës Fajzë në rrethin e Hasit.

Sipas burimeve të policisë, i mituri  me iniciale N.K nga Tirana kishte shkuar me pushime tek të afërmit e tij në fshat.

Nga dëshmitë e dhëna, vdekja fatale e djalit ishte aksidentale, pasi ai ështe mbytur në rezervuar teksa po lahej me bashkëmoshatarët e tij.

Familjarët e tij kanë shpejtuar ta nxirrnin nga uji sa më shpejt, por femija ka gjetur vdekjen ende pa mbërritur në spitalin e qytetit të Kuksit.

/Najada Fosa/