Faqja në internet e së përditshmes New York Times nuk ka mundur të hapet për disa orë për shkak të ndërhyrjes së hakerave sirianë. Ky është problemin i dytë i madh që pësoi kjo gazetë brenda këtij muaji.

Një grup hakerash, të vetëquajtur Armata elektronike e Sirisë kanë shkaktuar këtë mosfunksionim ku përveç NYT kanë pasur si qëllim edhe Twitterin së bashku me Huffington Post.

Megjithatë, disa minuta pas sulmit, gazeta New York Times ka arritur të hapë një faqe alternative për të publikuar lajmet dhe raportet në lidhje me sulmet kimike.

Sipas ekpertëve, ky grup hakerash gjendet në Rusi, i zhvendosur atje që prej muajit qershor të këtij viti.

/Jola Llozhi/