Trajneri i Napolit, Rafael Benitez do t’i duhet të bëjë pa shërbimet e Christian Maggio për rreth katër javët në vazhdim, pasi lojtari u dëmtua në gju.

31 vjeçari kishte ndjerë shqetësime nga gjuri i tij i majtë për një kohë të gjatë dhe iu nënshtrua dje një testi për të përcaktuar shkallën e lëndimit, duke çuar në vendimin për të kryer ndërhyrje kirurgjikale këtë javë.

“Christian Maggio do ti nënshtrohet një operacioni të mërkurën dhe do të kthehet pas pushimeve për ndeshje ndërkombëtare”, thuhet në një deklaratë zyrtare nga skuadra e Napolit.

Maggio do të mungojë në 3 përballje në Serie A kundrjet Sassuolos, Genoas dhe Livornos.

/Xhevahir Qardaku/