Vijon aksioni i klandestinëve që synojnë vendet e BE-së duke  kaluar ilegalisht përmes Shqipërisë.

Gjatë ditës së sotme seksioni antitrafik në Gjirokastër ka ndalur një grup tjetër prej 26 klandestinësh të ardhur nga Siria dhe Afganistani.

Në përpjekje për t’i shpëtuar gjurmëve të policisë ato janë futur përmes lumit Drino duke u fshehur në një përrua. Si pasojë e shirave të rrëmbyshëm katër prej tyre janë marrë nga rrjedha e ujit, por me ndërhyrjen e specialistëve të zhytjes nga ana e policisë ato janë shpëtuar nga mbytja.

/Elona Tereziu/