Mesfushori shkodran Gilman Lika pritet të jetë lojtar i Skënderbeut të Korçës sezonin e ardhshëm. Lika ka qenë një dëshirë e hershme për korçaret, që mesa duket do të realizohet.

Ditën e sotme do të zhvillohet një takim midis administratorit të Tiranës, Krenar Alimehmeti, dhe presidentit të Skënderbeut, Adrian Takaj, për të vendosur të ardhmen e mesfushorit. Takimi ishte parashikuar të zhvillohej dje, por nuk u realizua.

Të dyja palët deri më tani nuk kanë dhënë asnjë koment në lidhje me transferimin. Tashmë Lika shihet si pjesë e klubit korçar, qoftë për Ligën e Kampionëve ashtu dhe për sezonin e ardhshëm.

/Klajdi Lleshi/