Ka nisur puna për restaurimin e Kishës së Ristozit në fshatin Mborje të Korçës. Kisha e Ristozit është një nga kishat që prej 30 vjetësh nuk është vënë dorë mbi atë. Pamja që kjo kishë të ofron është një pamje e trishtueshme.

Banorët e fshatit Mborje shprehen se kjo kishë është e vetmja në këtë fshat dhe banorët e krishterë për festa të ndryshme fetare detyrohen që të shkojnë në qytetin e Korçës për t’i kremtuar ose në fshatin Drenovë.

Ka qenë dëshira dhe vullneti i këtyre banorëve që sot kjo kishë të restaurohet dhe të rregullohet që nga fillimi. Kjo nismë është vlerësuar nga të gjithë banorët për këtë të mirë që po iu bëjnë.

/Rovena Mydini/