Një ndër elementët me të cilat shoqëria jonë mburret, ose – që së paku, vihet re nga të huajt kur vijnë në vendin tonë është harmonia ndërfetare. Për ta arritur këtë harmoni nuk është meritë vetëm e jona, por e paraardhësve tanë. Në këtë panoramë na lindin disa pyetje. Çfarë është feja dhe pse i shërben ajo njeriut? A është çështje e besimit tërësisht vetjake apo duhet të demonstrohet edhe në hapësirën publike? Çfarë problemesh na lindin me këtë të fundit? A është rrezikshme që këtë harmoni dhe paqe që ekziston ta marrësh si të mirëqenë? Apo, përkundrazi duhet ushqyer çdo ditë e me delikatesë? Çfarë roli luajnë udhëheqësit e komuniteteve dhe të grupeve të shoqërisë? Çfarë ndodh në rrjetet sociale kur diskutohen këto çështje?

Këto dhe pyetje të tjera diskutohen në serinë e këtij podkasti me të ftuar, Dr. Hysni Skura, Përgjegjës i Departamentit të Shkencave Islame në Kolegjin Universitar “Bedër”, dhe imam.