Zv.kryeministri Erion Braçe shprehet se PS duhet t’i besojë rikandimin Erion Veliajt për një mandat të dytë si kryebashkiak të Tiranës.
Pas Taulant Ballës, Elisa Spiropalit dhe Mimi Kodhelit, edhe zv. kryeministri Erion Braçe deklarohet në favor të një mandati të dytë të Veliajt në krye të bashkisë së Tiranës. I ftuar në emisionin “Përballë” të gazetarit Lutfi Dervishi në TVSH, Braçe theksoi se Erion Veliaj duhet të jetë kandidati i PS për Tiranën.

“Të jesh i bindur se nuk do të çedoj as në këtë pikë, nga thënia e mendimit tim. Jemi një parti politike, dhe duhet të jemi të barabartë apo të baraslarguar nga çdo kandidat i mundshëm. Me një fjali, për mua Erion Veliaj duhet të jetë kandidati i PS për kryetar të bashkisë .”

/R.Bakalli/