Një automjet luksoz është përfshirë nga flakët gjatë orëve të para të mëngjesit të djeshëm në qytetin e Elbasanit.

Ngjarja mësohet të ketë ndodhur pranë Drejtorisë së Tatimeve, ku rreth orës 4:00 të mëngjesit automjeti me targa AA 797 EI u përfshi nga flaket.

Menjëherë në vendngjarje shkuan forca zjarrfikëse dhe të policisë, të cilët punuan për fikjen e flakëve të zjarrit për të shmangur rrezikun për automjetet e tjera të parkuara aty pranë.

Policia e Elbasanit bën me dije se automjeti luksoz i përket biznesmenit të konfindustrisë, Elis Baushi, dhe sipas uniformave blu zjarri ka qenë i qëllimshëm. Nga hetimet e deritanishme të policisë janë ngritur disa pista dyshimi.

Nga dëshmia e biznesmeit mësohet se Baushi nuk ka asnjë rast që ai mund të jetë konfliktuar me ndonjë person në qytetin e Elbasanit dhe as në ndonjë vend tjetër

/Sonila Qazimi/