Një sasi lënde eksplozive ka shpërthyer mbrëmjen e të dielës rreth orës 22.45 në një banesë në qytetin e Vlorës. Burime zyrtare të policisë bëjnë të ditur se, lënda shpërthyese është hedhur nga jashtë në banesën e të kërkuarit nga policia, Andon Mëhillaj.

Për pasojë ka pasur vetëm dëme materiale, kryesisht xhama të thyer të banesës. Në momentin e shpërthimit, familjarët nuk ndodheshin brenda saj. Mëhillaj është një nga personat e shpallur në kërkim nga policia, për shkak se dyshohet të jetë anëtar i të ashtuquajturës “banda e tritolit”.

/Objektiv.al/