Të ardhurat nga akciza për periudhën janar-dhjetor të vitit 2012 arritën rreth 36.4 miliardë lekë, ose 9.9 për qind më pak krahasuar me të njëjtën periudhë të vitit 2011.

Administrata Doganore që me 1 tetor 2012 mori administrimin dhe mbledhjen e akcizës, ku për vitin 2012 mblodhi 128.4 miliardë lekë ose 1.8 për qind më pak se parashikimi dhe vetëm 328 milionë lekë më shumë se një vit më parë me rritje zero, analizon Ministria e Financave.

Për vitin 2012 të ardhurat nga karburantet kishin vlerën e rreth 35 miliardë lekëve, ose sa 27 për qind i totalit të mbledhur për të gjithë karburantet.

Ndërsa karburantet e prodhuara në vend kanë arritur vlerën e 1.3 miliardë lekëve ose 65 për qind më pak se në vitin 2011, ndërkohë që dogana nga akciza ka grumbulluar rreth 3.4 miliardë lekë më pak se 2011-ta.

Rritja e çmimit të karburantit ka bërë që konsumatorët për 2012 të pagunin rreth 200 lekë për litër ndërsa, këtë vit vërejmë ulje deri në 180-185 lekë për litër.

/Erilda Sulika/