Përveç shqetësimeve të tjera në botë, lufta në Siri ka shkaktuar edhe dobësimin e euro-s.

Euro e filloi javën në kuotën e 140.24 lekëve dhe e mbylli atë në kuotën e 139.98 lekëve.

Rënia e euros ka ardhur si pasojë e zhvlerësimit të saj në bursat ndërkombëtare. E kundërta ka ndodhur me dollarin. Kjo ka ndodhur për shkak të ndërhyrjes së trupave ndërkombëtarë. Dollari e nisi javën në kuotën e 104.95 lekëve dhe e mbylli në 105.71 lekë.

Ekpertët e këmbimit valutor paralajmërojnë se nuk duhet të presim një euro më të ulët se 139.5 lekë dhe më të lartë se 141 lekë. Këto duhet të jenë kufijtë e mundshëm të luhatjes.

/Rabihana Halili/