Një 49-vjeçar nga Korça i ka dhënë fund jetës së tij ditën e djeshme duke u vetëvarur.

Nga hetimet e policisë mësohet se shkak të ketë qenë shqetësimi që ai kishte kohët e fundit për djalin e tij 20-vjeçar i cili ishte konsumator i rregulllt i drogës.

Shtetasi Pëllumb Tole, banues në lagjen 16 në Korçë, është gjetur paraditen e djeshme i

varur në shtëpinë e tij.

Vetvrasja si duket është planifikuar me shume kujdes nga ana e tij. Ai nuk ka vajtur në punë si çdo ditë, por ka dërguar djalin dhe nusen me qëllim të mbetëj vetëm në shtëpi. Më pas ai i ka telefonuar nënës së vet, ku thuhet se i ka treguar që do të vetëvaret, ka kryer dhe aktin e flijimit.

“Nuk mundem ta shtyj më, ndihem i pafuqishëm për t’ia dalë. Kur të vini nuk do të më gjeni të gjallë, por kështu është më mirë për mua”. Mësohet se këto kanë qenë fjalët e fundit që

i ka thënë të ëmës në telefon.

Tole nuk ka patur probleme të tjera familjare apo ekonomike, i vetmi problem i tij ishte konsumimi i drogës nga ana e djalit. Ai ishte përpjekur disa herë për ta shtruar në qendër rehabilitimi djalin për të lënë drogën, por pa sukses. Sipas familjarëve të tij, ky ishte shkaku që e çoi 49-vjeçarin nga Korça të vetëvarej.

/Sonila Qazimi/