Edicionin i tretë i manifestimit mbarëkombëtar të folklorit “Ditët e Mjedës” ka vlersuar me çmim të parë Ansambli “Trepça” nga Mitrovica.

Edhe këtë edicion Ansambli “Trepça” nga Mitrovica përfaqësoi në mënyrën më të denjë Kosovën duke u vlerësuar me çmimin si grupin pjesëmarrës më të mirë dhe më të kompletuar.

Çmimi i dytë iu dha ansamblit nga Mirëdita, ndërsa çmimi i tretë ansamblit nga Tuzi i Malit të Zi.

Edicioni i tretë i këtij manifestimi përkoji në të njëjtën kohë me 76-vjetorin e vdekjes së poetit të njohur Ndre Mjedja dhe 100-vjetorin e kishës së Kuklit, në rrethin e Lezhës.

Në këtë aktivitet moren pjesë 15 shoqëri dhe ansamble nga Shqipëria, Maqedonia, Mali i Zi dhe Kosova.

Udhëheqësi i ansamblit “Trepça”, Rafet Pllana u shpreh se anëtarët e ansamblit ndjehen shumë të nderuar nga vlerësimi i jurisë.

“Punojmë në kushte shumë të vështira, por rezultatet e punës tonë nuk po mungojnë. Vendi i parë është nder dhe krenari për ne”, pohoi ai.

 /Sonila Qazimi/