Komisioni parlamentar i Ligjeve shkarkoi nga detyra anëtarin e Lëvizjes Socialiste për Integrim në KQZ, Ilirian Muho. Shkarkimi i tij nga detyra erdhi pas kërkeses së deputetëve të Partisë Demokratike, pas largimit të LSI-së nga koalicioni qeverisës. Përfaqësuesi i LSI-së në Komisionin e Ligjeve, Nasip Naço, tha se kërkesa e demokratëve është e paligjshme. Ndërkohë,
Komisioni parlamentar i Ligjeve shkarkoi nga detyra anëtarin e Lëvizjes Socialiste për Integrim në KQZ, Ilirian Muho.
Shkarkimi i tij nga detyra erdhi pas kërkeses së deputetëve të Partisë Demokratike, pas largimit të LSI-së nga koalicioni qeverisës.
Përfaqësuesi i LSI-së në Komisionin e Ligjeve, Nasip Naço, tha se kërkesa e demokratëve është e paligjshme. Ndërkohë, edhe kreu kësaj partie, Ilir Meta, u shpreh se ky vendim u mor dje në mënyrë të njëanshme vetëm me votat e mazhorancës.
Nga ana tjetër, Partia Demokratike propozon që Muho të zëvendësohet me njërin prej dy kandidatëve të paraqitur nga Partia Republikane.
Kuvendi i Shqiperise pritet të votojë në seancën e sotme plenare këtë kërkesë të PD-së për lirimin nga detyra të përfaqësuesit të LSI-së në KQZ, Ilirian Muho.
Kërkesa në komisionin e Ligjeve u miratua vetëm me votat e deputetëve demokratë. Përfaqësuesit e opozitës në këtë komision e quajtën votimin cenim të hapur të standardeve të zgjedhjeve.
Ndërkaq, kreu i prezencës së OSBE-së në Tiranë, ambasadori Eugen Wollfarth ka deklaruar se do të kërkojë sqarime për vendimin e Komisonit të Ligjeve. /Adisa Sida/
Lini Komentin tuaj
Adresa juaj e emailit nuk do të publikohet. Fushat e kërkuara janë shënuar me *