Shumë shpesh fëmijët nuk kanë marrëdhënie të mirë me ushqimin, sidomos kur bëhët fjalë për një lloj të ri ushqimi.

Për të arritur që fëmijët ta dashurojnë çdo lloj ushqimi duhet të ndiqni disa hapa.

1-Zbulo shije të reja

Gatuaj çdo ditë ushqime me shije të ndryshme dhe përpiquni që fëmijët t’i provojnë.

2-E gjithë familja duhet të ketë në pjatë të njëjtin lloj ushqimi

Fëmijët janë të prirur të imitojnë të rriturit, kjo nuk përjashton as ushqimin.

3-Tavolina duhet të jetë e mirëarreduar dhe e kënaqshme për syrin

Një tavolinë e shtruar me shije dhe e bukur për syrin i tërheq fëmijët që të ulen në të.

4-Orari i të ngrënit është shumë i rëndësishëm

Të hash në orar është kulturë që duhet ta ketë çdo familje sepse kjo bën që të gjithë të mblidhen bashkë.

5-Prezenca e televizorit duhet te jetë zero

Në orarin e ngrënies televizori dhe çdo mjet tjetër, që tërheq vëmendjen e fëmijëve nuk duhet të jenë prezent.

6-Merrini fëmijët me vete kur bëni pazar

Lërini fëmijët që gjatë pazarit t’i zgjedhin vetë frutat dhe perimet, kjo i bën ata të jenë më afër ushqimeve.

7-Lërini të gatuajnë bashkë me ju

Mënyra si gatuani është një pjesë e rëndësishme që i jep vlerë shijes së ushqimeve. Lërini fëmijët ta provojnë ndjesinë e të gatuarit, kjo do ti bëjë ata që patjetër të hanë nga ajo që kanë gatuar.

\Shkëndije Çurri\