Një minator ka mbetur i vdekur pasditen e djeshme në minierën e kromit në Bulqizë.

Viktima është 31-vjeçari me iniciale Sh.P., banues në Fushë Bulqizë. Minatori punonte prej vitesh në këtë minierë. Ai ishte duke punuar në zonën D  të minierës kur ka ndodhur ngjarja e rëndë. Gërmimet në këtë zonë bëhen në mënyrë të paligjshme.

Ndërkohë shkaqet e vdekjes së minatorit nuk janë ende të qarta. Policia po heton për zbulime të mëtejshme.

/Romina Qama/