Çeku që do të firmosë Tohir për blerjen e 65% të aksioneve të Interit do të ketë vlerën e 300 deri 350 milionë eurove. Marrëveshja për blerjen nga manjati indonezian, Erik Tohir, është çështje e mbyllur, por për ta zyrtarizuar duhet pritur ndoshta edhe dy javë. Zyrat ligjore dhe financiare që prej muajsh po përpilojnë
Çeku që do të firmosë Tohir për blerjen e 65% të aksioneve të Interit do të ketë vlerën e 300 deri 350 milionë eurove.
Marrëveshja për blerjen nga manjati indonezian, Erik Tohir, është çështje e mbyllur, por për ta zyrtarizuar duhet pritur ndoshta edhe dy javë. Zyrat ligjore dhe financiare që prej muajsh po përpilojnë kontratën, në këto javë të para të Gushtit janë me pushime e për rrjedhojë akti final do të kryhet me shumë mundësi më 19 Gusht.
Palët në fakt kanë rënë dakord në parim që më 25 Korrik, por Morati e shtyu zyrtarizimin pasi dosja e plotë që i mbërriti në tryezë kishte nevojë për disa ndryshime të vogla, por thelbësore. 43-vjecari më 17 Gusht do të kthehet në Xhakarta, nga ku do ta ndjekë në distancë procesin që do ta shndërrojë atë në pronar të pjesës më të madhe të aksioneve të shoqërisë zikaltër.
/Romina Qama/
Lini Komentin tuaj
Adresa juaj e emailit nuk do të publikohet. Fushat e kërkuara janë shënuar me *