Regjisorja Elma Doresi, ka sjellë në skenë një verision të veçantë, shfaqjen për fëmijë “Borëbardha me 7 xhuxhat”.

Ndryshe nga herët e tjera aktoret e kësaj shfaqje ishin nxënësit e Institutit të Fëmijëve që nuk Dëgjojnë. Shfaqja erdhi tek publiku përmes pantomime, gjë të cilën Elma Doresi e cilëson si unike.

Qëllimi kryesor i këtyre shfaqjeve është integrimi i plotë i këtyre fëmijëve në shoqëri. Interpretimi i fëmijve ishte i shkëlqyer duke qenë se e njihnin mjaft mirë fabulën e “Borbardhës me 7 xhuxhat”.

“Tre mendje në ankand” ka qenë premiera që regjisorja solli para pak kohësh për publikun, shfaqje e cila u mirprit më së miri nga publiku në sallën e Teatrit të Metropolit.

“Borëbardha me 7 xhuxhat”, është shfaqja e tetë që regjisorja Elma Doresi vë në skenë me fëmijët e Institutit që nuk Dëgjojnë.

/Sonila Qazimi/