Aleksandër Biberajt i është mohuar kandidimi për kreun e Partisë Demokratike. Paraditen e së mërkurës, ai tha për mediat se administrata nuk e pranoi kandidimin e tij për shkak të çështjes së anëtarësisë. Biberaj zyrtarizoi kandidaturën për të garuar për kreun e Partisë Demokratike pas dorëheqjes së Sali Berishës nga ky post. Pas dorëzimit të
Aleksandër Biberajt i është mohuar kandidimi për kreun e Partisë Demokratike. Paraditen e së mërkurës, ai tha për mediat se administrata nuk e pranoi kandidimin e tij për shkak të çështjes së anëtarësisë.
Biberaj zyrtarizoi kandidaturën për të garuar për kreun e Partisë Demokratike pas dorëheqjes së Sali Berishës nga ky post.
Pas dorëzimit të kërkesës ai u shpreh për mediat se shpresonte tek një garë e ndershme ndërkohë që deklaroi se kishte marrë mbështetjen e demokratëve në këtë garë, por njofton se dosja eshte refuzuar nga administrata per shkak te anetaresise.
Biberaj, i cili ka qenë zv/kryetar i FRD-së, theksoi për mediat: “Unë jam larguar nga FRD-ja, nuk jam më zëvendëskryetar. Është histori e mbyllur dhe dua të jap kontributin për PD-në. Administrata më refuzoi kërkesën për të kandiduar, i takon kryesisë së PD-së për të më pranuar tashmë. Mua nuk më ka përfunduar anëtarësia në Partinë Demokratike dhe kurrë nuk e kam tërhequr atë. Bëhet fjalë për një vendim politik. Kam dëshirën, vullnetin, eksperiencën dhe mbështetjen e demokratëve për të kandiduar për kryetar.”
“Demokratët duhet të jenë të bashkuar sot. Unë në të kaluarën e kam kritikuar PD-në dhe rezultati i 23 qershorit tregoi se qeverisja kishte probleme, por nuk kam bashkëpunuar kurrë me të majtën gjatë karrierës sime politike”, shtoi Biberaj.
Në lidhje me kandidatët e tjerë për postin e kreut të PD-së, Biberaj tha: “Është shpejt për të folur për rivalët për kreun e PD-së. Rëndësi ka që gara të jetë e ndershme.
/Sonila Duka/
Lini Komentin tuaj
Adresa juaj e emailit nuk do të publikohet. Fushat e kërkuara janë shënuar me *