Në vijim të fushatës zgjedhore, Partia Demokratike prezanton sot kandidatët për deputet në qytetin e Elbasanit. Përmes një njoftimi në Facebook, kryeministri Berisha fton qytetarët të jenë të pranishëm në sheshin e qytetit të Elbasanit.

“Qytetarë dhe qytetare të Elbasanit, uragani i fitores do të jetë sonte në qytetin tuaj. Ju ftoj të gjithëve të festojmë së bashku, në sheshin Gensher në ora 18:30, çeljen fushatës elektorale të fitores sonë të 23 qershorit! Përpara drejt Fitores!!!”, – shkruan Berisha.

Një ditë më parë ishte Partia Socialiste ajo që prezantoi kandidatët e saj në këtë qytet.

/Nexhat Hoxha/