Kryeministri Berisha ka komentuar sërish mbledhjen  dyditore të qeverisë Rama në Vlorë, ku vetëm një ditë më parë ai e quajti atë si antikushtetuse.

Në një koment të tij në facebook, Berisha ka deklaruar se mbledhja e qeverisw Rama u karakterizua nga slogane dhe vendime Leniniste.

Në lidhje me slogani e Ramës, “Detyrat janë tonat, pushteti është i popullit”, Berisha ka shkruar “Ky slogan leninist nuk doli nga varri i diktatorit Hoxha, por nga Piktori dështak pas parodisë së Ujit të Ftohtë”.

Sipas Berishës, vendimi më i rrezikshëm i qeverisë së re është ai për prishjen e ndërtimeve pa leje, pasi socialistët nuk njohin ligj dhe se rradha për prishje do të jetë e shtëpive me leje të qytetarëve.

“Vendimi i tretë i parodisë ishte prishja (jo vetëm e ndërtimeve pa leje çka është detyrim ligjor) e ndërtimeve me leje,pra me veprime antiligjore do të shembin ligjin”,  shkruan Berisha në rrjetin social facebook.

/Elona Tereziu/