Bashkimi Europian ka rënë dakord për një fond disa miliarda dollarësh në përgjigje të krizës së papunësisë për të rinjtë. Në Spanjë dhe  Greqi papunësia mes të rinjve poshtë moshës 25 vjeç është mbi 50 për qind.

Ndërkohë në Portugali, çdo ditë shikon radhë të gjata para konsullatave të Angolës dhe Brazilit, ku të rinjtë përpiqen të gjejnë një jetë më të mirë në ish-kolonitë portugeze. “Kjo është një prirje regresive”, thotë John Springford i Qendrës për Reformën Europiane. “Kur njerëzit mbeten pa punë për një kohë të gjatë, ata humbasin aftësitë që kanë patur, ata humbasin iniciativën dhe gjithashtu problemet sociale, si abuzimi me drogat dhe alkoolin e bëjnë të vështirë për ta të punësohen përsëri”.

Udhëheqësit e Bashkimit Europian në takimin e tyre të Brukselit javën e kaluar, ranë dakord për një fond shpenzimesh prej 7.8 miliardë dollarësh për dy vitet e ardhshme, në përgjigje të papunësisë mes të rinjve.

/Erilda Sulika/