Sektori i energjetikës ka nevojë për reformim. Në raportin e saj për gjashtëmujorin e parë Banka Botërore e konsideron këtë sektor si ‘‘thembrën e Akilit’’ për ekonominë shqiptare.

Sipas raportit , sa herë që ka lëkundje në këtë sektor, ka lëkundje edhe në buxhet. BB vlerëson se privatizimi i Cez Shpërndarje nuk solli ndonjë zhvillim përpara dhe se në aspektin e shërbimit ndaj qytetarëve jemi aty ku kemi qenë. Në raport thuhest se gjatë këtyre dy viteve të fundit borxhi i keq është rritur shumë dhe kjo ka shkatërruar financat. Dy pikat e dobëeta të sektorit vlerësohet të jenë humbjet e larta dhe arkëtimet e ulëta, raporti itë cilave duhet të ndryshojë.

Liberalizimi i tregut është sipas Bankës Botërore zgjidhja e së ardhmes. Ndarja e sektorit në tre operatorë është një gjë e mirë po nuk mjafton. Në një të ardhme të afërt nevojitet futja në treg e më shumë operatorëve.

/Romina Qama/