Kryetari i Komisionit për ndryshime kushtetuese i Kosovës, Arsim Bajrami ka bërë të ditur se Kushtetuta e Kosovës mund  të ndryshojë, për shkak të marrëveshjes për normalizimin e marrëdhënieve me Serbinë.

Ai ka deklaruar për KTV se së shpejti do të formohen grupe punuese nga  pala serbe dhe ajo kosovare, në mënyrë, që të shihet se çfarë ligjesh mund të ndryshojnë pas marrëveshjes së arritur në Bruksel. Bajrami nuk e ka vlerësuar si të mirë dicka të tillë e megjithatë ai ka thënë se deri tash Kosova ka bërë shumë kompromise, duke përfshirë edhe pakon e Ahtisaarit.
Megjithëse dy grupet punuese për  realizimin e ndryshimit të ligjeve do të formohen, Bajrami beson se kushtetuta dhe ligjet e Kosovës nuk ka nevojë të ndryshojnë.

/Elta Liksenaj/