Bruma, talenti 18-vjeçar i Sportingut të Lisbonës, cilësohet nga të gjithë si Kristiano Ronaldo i ri dhe kjo nuk mund t’i shpëtonte kampionëve të Europës, Bajernit të Mynihut.

Sipas asaj që raporton gazeta portugeze “Correio da Manha”, klubi bavarez është i gatshëm të paguajë 10 milionë euro për kartonin e Brumas. Oferta tashmë ka mbërritur në klubin e Lisbonës dhe në ditët në vijim do të bëhet edhe shqyrtimi i saj.

Bruma ka një kontratë me Sportingun e Lisbonës deri në vitin 2014, por një ofertë e kënaqshme mund ta largonte edhe gjatë kësaj vere.

/Dorjan Gjepali/