Aleksandër Arvizu mbështet aksionin në Lazarat dhe bën thirrje që të vazhdohet me dënimin e personave të përfshirë në veprimtari të paligjshme.

Ambasadori i SHBA-së tha se ai ka kontaktuar vazhdimisht me ministrin e Brendshëm Tahiri dhe me Drejtorin e Policisë Artan Didi gjatë këtyre ditëve.

“Ne mbështesim fort veprimet e ndërmarra nga zbatuesit e ligjit. Lazarati ka qenë problem për vite të tëra dhe jemi shumë të inkurajuar që qeveria ka vendosur të veprojë. Gjithashtu vlerësojmë faktin që kanë treguar kujdes në shmangien e viktimave dhe të lënduarve. Shumë banorë nuk janë të përfshirë, por ja që jetojnë aty”, tha Arvizu.

Ai gjithashtu bëri thirrje për dënimin e të arrestuarëve në përputhje me ligjin dhe faktet, duek shmangur spekulimet.

“Është e rëndësishme që aksioni të pasohet me arrestime, ndjekje penale e dënime. Por kjo në bazë të fakteve dhe jo spekulimeve”, u shpreh ambasadori amerikan.

/Romina Qama/