550 të dënuar  deri me 2 vjet burg pritet të lirohen për festat e fundvitit. Burime nga Ministria e Drejtësisë bëjnë të ditur se përveç kësaj kategorie, do të përfitojnë edhe të burgosurit që u ka ngelur një ose 1 vit e gjysmë nga dënimi. Ministria e Drejtësisë ka hartuar tashmë draftin “Për dhënie amnistie”, i cili motivohet nga dy arsye: mbipopullimi në burgje, por edhe ulja e kostos financiare për këtë sistem. Edhe pse 1 vit nga amnistia për 100-vjetorin e Pavarësisë, qeveria e majtë e sheh këtë si mundësi të mirë për lehtësimin e qelive nga të burgosurit mbi kapacitetet e lejuara. Gjithashtu, kategoritë që do të përfitojnë nga amnistia përfshijnë gratë mbi 55 vjeç, burrat mbi 60 vjeç dhe të dënuarit, të cilët e kanë kryer krimin në moshë të mitur. Përveç personave që do të lirohen, një numër i madh të dënuarish do të përfitojnë ulje dënimi për shkak të kësaj amnistie. Mësohet se do të përfitojnë uljen e 1/4 së dënimit të gjithë të dënuarit që nuk përfitojnë amnisti. Krimet e rënda si vrasjet, kanosjet, vjedhjet me armë, aktet terroriste apo ato seksuale nuk përfshihen në kategoritë që do të përfitojnë falje apo ulje dënimi. Një tjetër aspekt i amnistisë lidhet ngushtësisht me dosjet penale të filluara nga prokuroria. Mësohet se një numër i madh procedimesh deri në nëntor të këtij viti do të mbyllen, pasi veprat penale do të përfshihen në amnisti.  Kategoritë që amnistohen Të dënuarit deri në 2 vjet burgim Të dënuarit alternativë Personat që u ka mbetur pa vuajtur 1 ose 1.5 vjet burg Të dënuarat femra 50 vjeç e lart Të dënuarit meshkuj, 60 vjeç e lart Të dënuarit që kanë kryer krim në moshë të mitur Përjashtohen nga amnistia të gjithë të dënuarit për krime të rënda /Elta Liksenaj/]]>