Akset rurale akoma të izoluara nga dëbora

Akset rurale akoma të izoluara nga dëbora

Disa nga qarqet në vendin tonë vazhdojnë të jenë të bllokuara për shkak të motit të keq dhe reshjeve të dëborës. Në Bashkinë e Shkodrës, aksi rural drejt Bregut të Lumit është i bllokuar në Malin e Shoshit ku ka 70 centimetër dëborë. Për hapjen e rrugës po punojnë dy borëpastruese. Aksi rrugor rural Bogë-Theth

Disa nga qarqet në vendin tonë vazhdojnë të jenë të bllokuara për shkak të motit të keq dhe reshjeve të dëborës.

Në Bashkinë e Shkodrës, aksi rural drejt Bregut të Lumit është i bllokuar në Malin e Shoshit ku ka 70 centimetër dëborë. Për hapjen e rrugës po punojnë dy borëpastruese. Aksi rrugor rural Bogë-Theth është i bllokuar në Qafë Thore, ka mbi 2 metër dëborë. Të gjithë fshatrat e njësisë administrative Shalë dhe Shosh janë të bllokuara nga dëbora, ku trashësia është  rreth 70 cm.

Në Vaun e Dejës, rruga Drisht-Shllak vijon të mbetet e bllokuar. Në Fushë-Arrëz disa fshatra janë akoma të izoluara.

Në qarkun e Dibrës, akset nacionale janë të kalueshme, por rrugët rurale paraqesin probleme.

Në Kukës, rruga drejt Njësisë Administrative Arrën është ende e bllokuar. Edhe në Librazhd, aksi Togëz-Qarrishtë është i bllokuar, po kështu edhe rrugët rurale në fshatin Dranovicë.

Ndërsa akset e tjera në vend janë të kalueshme pa probleme ose kalohen me vështirësi. Autoritetet lokale të çdo qarku po punojnë për të zhbllokuar rrugët e izoluara.

 

 

 

 

//T.Mazreku//

objektiv.al
ADMINISTRATOR
PROFILE

Artikuj të ngjashëm

Lini Komentin tuaj

Adresa juaj e emailit nuk do të publikohet. Fushat e kërkuara janë shënuar me *

Të Fundit

Më të Komentuar