Kolegji Universitar Bedër nënshkroi një memorandum mirëkuptimi për bashkëpunim të ndërsjellë me Communication Progress, kompani që operon në fushën e Teknologjisë dhe Informacionit. Memorandumi u nënshkruar nga Prof. Rahim Ombashi, Rektor i komanduar i Kolegjit Universitar Bedër dhe znj. Elona Bakiu, përfaqësuese e Communication Progress.

Palët angazhohen të zhvillojnë bashkëpunimin mes tyre në fusha si: Trajnime të stafit; Internship për studentët; Rekrutim i studentëve si profesionistë të rinj; Shkëmbime të eksperiencave ndërmjet stafit; Projekte dhe aktivitete të përbashkëta, etj.

Pas nënshkrimit të memorandumit, përfaqësuesit e Communication Progress zhvilluan një takim të hapur me studentët e Kolegjit Universitar Bedër për t’i njohur ata me mundësitë e praktikave dhe punësimit.