Kozmonautët rusë kanë mbërritur në Stacionin Ndërkombëtar të Hapësirës të veshur me ngjyra ukrainase dhe bënë që të duket një deklaratë që kundërshton pushtimin.
Ata u pritën ngrohtësisht në bord, duke u përshëndetur me ekuipazhin e tyre amerikan, rus dhe gjerman.

Kozmonautët rusë Denis Matveyev, Oleg Artemyev dhe Sergey Korsakov u ankoruan në ISS pas një fluturimi tre orësh që shpërtheu nga një objekt në pronësi ruse në Kazakistan.
ISS është një projekt i përbashkët midis Rusisë, Amerikës, Kanadasë, Japonisë dhe disa vendeve evropiane.

Uniforma ruse standarde është blu e thjeshtë por disa orë më vonë tre burrat lundruan në stacionin hapësinor të veshur me kostume hapësinore të verdha me blu.
“Ishte radha jonë për të zgjedhur një ngjyrë,” tha z. Artemyev kur u pyet për kostumet në një konferencë shtypi të transmetuar drejtpërdrejt. “Ne kishim grumbulluar shumë material të verdhë, kështu që duhej ta përdornim,” tha ai me shaka. “Kjo është arsyeja pse ne duhej të vishnim të verdhën”.

Momenti u transmetua drejtpërdrejt nga NASA, agjencia amerikane e hapësirës dhe agjencia ruse Roscosmos.
Tre rusët do të fillojnë një mision shkencor në ISS që do të zgjasë pak më shumë se gjashtë muaj. Ata do të zëvendësojnë tre anëtarët aktualë të ekuipazhit, të cilët janë planifikuar të fluturojnë përsëri në Tokë më 30 mars. Që nga pushtimi i Ukrainës, njerëzit në mbarë botën kanë përdorur ngjyrat e flamurit të saj kombëtar për të treguar solidaritet dhe mbështetje.

Denisa Kovaçi