Ditën e sotme është raportuar nga “The Providence Journal” se janë identifikuar dy raste të nënvariantit Omicron BA.2 në Rhode Island. Sipas Wendelken, “nuk ka të dhëna që sugjerojnë se BA.2 është më i rëndë se variantet e tjera të omicron. Një pikë e rëndësishme është se BA.2 nuk është një variant i ri i COVID-19. Ky është varianti omicron, prandaj të dhënat nuk paraqiten veçmas në faqen e CDC-së.

Çfarë duhet të dijmë rreth këtij nënvarianti!? Nga e ka origjinën?

Nuk dihet në këtë pikë, por rasti i parë u zbulua në Filipine në nëntor. Wendelken tha se “të dhënat paraprake tregojnë se vaksinat – përfshirë dozat përforcuese – që ne po administrojmë ofrojnë mbrojtje kundër BA.2. Dozat përforcuese rrisin ndjeshëm mbrojtjen tuaj kundër BA.2 dhe formave të tjera të COVID-19.”

A çon në sëmundje më serioze sesa omikroni “origjinal”?

Edhe pse kërkohet më shumë studim, mesa duket jo. “Duke parë vendet e tjera ku BA.2 tani po kalon, ne nuk po shohim ndonjë goditje më të madhe në shtrimin në spital sesa pritej,” tha Dr. Boris Pavlin i Ekipit të Reagimit ndaj COVID-19 të Organizatës Botërore të Shëndetësisë të martën gjatë një konference për shtyp në internet.

Çfarë dëshmie ekziston që vaksinimi është efektiv kundër BA.2?

Një raport i fundit i janarit nga Agjencia e Sigurisë Shëndetësore në Mbretërinë e Bashkuar deklaroi se “një vlerësim paraprak nuk gjeti prova të një ndryshimi në efektivitetin e vaksinës kundër sëmundjes simptomatike për BA.2 krahasuar me BA.1”. Por, siç ka ndodhur shpesh gjatë pandemisë, agjencia publikoi një paralajmërim: “Megjithatë, numrat e përfshirë në këtë studim janë relativisht të vogla” dhe studimi i mëtejshëm mund të arrijë në një përfundim tjetër.

Përgatiti: Lulzime Manallari