Pas votimit të dekretit  për shkarkimin e Fatmir Xhafës  në  Kuvend,  Rama ka komanduar  Sandër Lleshin ministër  të  Brendshëm.

Kryeministri  ka vendosur  ta  shoqerojë  vetë  Lleshin  në  ministri në  prezantimin me stafin,  të pranishëm  ishin  ish-ministri Xhafaj,  drejtori  i  policisë së shtetit, Ardi Veliu dhe katër zv/ ministrat e Brendshëm, Romina Kuko, Rovena Voda, Besfort Lamallari dhe Julian Hodaj.

Prezantimi  është  zhvilluar me dyer  të mbyllura, dhe ka zgjatur  rreth 25 minuta, më pas kryeministri dhe ish-ministri Xhafaj janë larguar, ndërsa nuk kanë preferuar që të bëjë asnjë koment.

Lëvizja e kryeministrit për të komanduar Lleshin ministër erdhi pas vendimit të Presidentit për të refuzuar dekretin për gjeneralin. Nisur nga situata e krijuar, Rama e emëroi  zv/ ministër dhe e komandoi duke nxjerrë jashtë loje kreun e shtetit.  Presidenti u shpreh dje se nuk do të lejonte përpjekje sfiduese, ndërsa tashmë pritet që kush do të jetë reagimi i Ilir Metës, që aktualisht ndodhet në një vizitë zyrtare në Itali.