Një banor i fshatit Arzë të Devollit, iu gjet në shtëpinë e tij një armë pa leje e tipit “Kallashnikov”. Njoftimi u bë me anë të një postimi nga Policia e Shtetit.

Ja postimi i plotë:

“Devoll

Posedonte pa leje në banesë armë zjarri tip “Kallashnikov”, arrestohet në flagrancë nga Policia.

Specialistët e Seksionit për Krimet, në Komisariatin e Policisë Devoll bënë kapjen dhe arrestimin në flagrancë të shtetasit:

K.M., 43 vjeç, banues në fshatin Arzë-Devoll.

Arrestimi i tij u bë pasi, gjatë kontrollit të ushtruar nga shërbimet e Policisë në banesën e këtij shtetasi, iu gjet dhe sekuestrua në cilësinë e provës materiale një armë zjarri automatike tip “Kallashnikov”, pa lejen e organeve përkatëse.

Materialet i kaluan Prokurorisë të Rrethit Gjyqësor Korçë, për veprën penale parashikuar nga neni 278 i Kodit Penal.”

/Objektiv.al/