Kryeministri Edi Rama ka postuar sot në rrjetin social “facebook” një tjetër video mbi ndryshimet që po pëson, sipas tij, Qendra Spitalore Universitare “Nënë Tereza” në Tiranë.

Rama jep panoramën e QSUT-së, si ishte dhe si është shndërruar në muajt e qeverisjes së tij. Në video përmenden kioskat, Infektivi, Pediatria dhe së fundi, ndryshimet e Neurologjisë, inaugurimet e së cilës Rama i bëri dy ditë më parë.