Vendimi i UEFA-s, ku Shqipëria humb ndeshjen ndaj Serbisë në tavolinë ka tërhequr vëmendejn e mediave ndërkombëtare të cilat kanë reaguar menjëherë në faqet online pas publikimit të vendimit nga UEFA. Gazetat raportojnë fitoren e kombëtares serbe duke mos kursyer kritikat ndaj organizimit europian të futbollit.

Televizioni gjigant BBC publikon lajmin me titull: “Serbia shpërblehet me fitore pas dhunës në ndeshjen për ‘Francë 2016’”.

Agjensia më e madhe në botë “Reuters” raporton: “Serbia merr fitore të lehtë kundër Shqipërisë, por i zbriten 3 pikë”.

Gazeta online italiane “Toscana news” vë në shënjestër Platininë duke shkruar: “UEFA legjitimoi dhunën dhe racizmin”. Ndërsa televizioni britanik “ITV”, ka komentuar: “Serbia shpërblehet me fitore”.

“Sport 24” shkruan: “Serbisë iu dha fitorja, por i humbi 3 pikët”.

Gazeta sportive italiane “Gazzetta dello Sport” shkruan: “Vendimi i UEFA-s, të gjithë humbës”.

/Objektiv.al/