Në seancën plenare të kësaj të enjteje, Kuvendi pritet të miratojë disa ndryshime në ligjin  “për akcizat”.

Në rendin e ditës së seancës së sotme përfshihen edhe: miratimi i buxhetit faktik për vitin 2013; miratimi i pr/ligjit “Për kujdesin paliativ në Republikën e Shqipërisë”, si dhe do të diskutohet për ratifikimin e dy marrëveshjeve.

Në fund të seancës planifikohet një interpelancë me Ministrin e Ekonomisë, Arben Ahmetaj, kërkuar nga deputeti i LSI-së, Vangjel Tavo.

Ndërkohë që rreth orës 15: 00 pritet të zhvillohet takimi i radhës për Komisionin Hetimor për KLD-në. Në këtë takim do të diskutohet mbi shkeljet e raportuara nga ana e disa deputetëve të majtë për nënkryetarin Elvis Cefa dhe anëtarin e këtij institucioni.

/Ilda Xhafa/