Qeveria miratoi me disa ndryshime Fondin e Ekselencës. Shuma do të vihet në dispozicion të studentëve të shkëlqyer që ndjekin studimet e ciklit të parë, të dytë apo studimet e doktoraturës jashtë vendit, në universitetet më të mira të botës, si dhe nëpunësve civilë të administratës shtetërore që duan të vijojnë studimet pasuniversitare.

Këtë vit, qeveria do të financojë të paktën 150 milionë lekë për këto bursa. Këtij fondi i shtohen edhe donacione apo të ardhura nga burime të tjera të ligjshme.  Vendimi i qeverisë ka parashikuar edhe kushtet që duhet të plotesojnë studentët dhe nëpunësit për të përfituar nga Fondi i Ekselencës.

/Arjola Hajdini/