Dëshironi që të këni një humor të mirë edhe pas një zënke? Atëherë kjo është e mundur.

Ngrënia e bananeve është “ilaçi” kundër depresionit dhe qetëson nervat dhe ndihmon trurin. Në sajë të dobive të saj, ky frut përdoret nga sportistët për rikuperimin e energjive.

Një studim amerikan i publikuar në revistën shkencore “Journal of Neuroscience Letters”, ka treguar se potasi i cili gjendet te ky frut e mbron trurin nga radikalet e lira, duke e mbajtur më të ri dhe më të stërvitur.

Banania përmban vitaminën B, e cila bën që të ndjeheni më të lehtësuar. Triptofani që gjendet te bananet, është një aminoacid i cili vepron me serotoninën dhe shërben për të përmirësuar humorin dhe për të mbrojtur nga depresioni.

/ Izabela Zavalani /