Gjendja e krijuar mes Izraelit dhe Palestinës ka bërë që SHBA të mendojë seriozisht për të ndërmjetësuar një armëpushim mes dy vendeve, ka deklaruar presidenti Barack Obama.

Kjo deklaratë u bë në bisedën e presidenti Obama me kryeministrin izraelit Benjamin Netanyahu.

Sulmet në drejtim të Gazas kanë vazhduar gjatë gjithë natës. Burimet palestineze deklarojnë se mbi 90 banorë të Gazas kanë vdekur dhe rreth 600 persona të tjerë janë plagosur që prej fillimit të sulmeve.

Nga ana tjetër Izraeli deklaron se 500 raketa janë nisur nga Gaza në drejtim të vendit të tyre. Shumica e raketave janë asgjësuar në ajër nga sistemi anti-raketë dhe raportohet që nuk ka pasur viktima nga pala izraelite.

/ Ejup Lila /