Byroja e Kuvendit përjashton Sali Berishën për 10 ditë nga seancat parlamentare dhe mbledhjet e komisioneve. Shkak për këtë është bërë fjalori fyes që Berisha përdori ndaj kryeministrit Rama dhe familjes së tij.

Vendimi u komunikua nga kryetari i Parlamentit, Ilir Meta, në përputhje me Nenin 65 pika 2, referuar rasteve të fyrjeve ndaj deputetëve.

Ndërsa deputeti i PD-së Edi Paloka e cilësoi të turpshëm vendimin, duke u kujtuar socialistëve se ky është fjalori që përdor kryetari i tyre.

Më herët kryeparlamentari ndërpreu në mes seancën për shkak të fjalorit të rënduar gjatë debatit dhe akuzave të ndërsjellta për Lazaratin.

/Romina Qama/