Dy vëllezërit Andon dhe Genis Mëhillaj janë porositësit e tritolit ndaj banesës së kandidatit për deputet në Vlorë, Ardian Kollozi. Kjo është dëshmia që i penduari i Prokurorisë së Krimeve të Rënda, Juljan Sinanaj, ka dhënë për hetuesit, duke u shprehur se një gjë të tillë, sipas vetë mëhillajve, e kërkonte një politikan.

Sinanaj e ka marrë përsipër detyrën kundrejt shumës së 7500 eurove. Por hetuesit dyshojnë se porosia ka qenë direkt e mëhillajvë, duke marrë parasysh konfliktet që këta kanë pasur me disa zyrtarë të ALUIZNI-t në Vlorë për regjistrimin e disa banesave pa leje të ngritura në këtë qytet.

Periudha kur Julian Sinanaj është angazhuar për të kryer krimin përkon me kulmin e fushatës elektorale për zgjedhjet parlamentare.

/Objektiv.al/