Në trenin e mallrave të linjës Shkodër-Tiranë, ditën e djeshme është vjedhur mbi 10 ton qymyr kokos që transportohej në të.

Dyshimet paraprake të policisë flasin se në vjedhje mund të jenë përfshirë dhe dy makinistë, ndërsa katër persona i kanë dalë përpara mjetit duke bërë që të ngadalësohet shpejtësia e trenit.

Gjithashtu mësohet se është bërë i mundur shkarkimi i qymyrit në tokë dhe më pas marrja e tij.

Edhe pse nuk dihen ende të qarta rrethanat e vjedhjes së një ngarkesë kaq të madhe, nga ana e policisë po hetohet intensivisht për zbardhjen e identiteteve të autorëve si dhe për zbulimin e mënyrës më të cilën është transportuar qymyri.

/Ardiol Hoxha/