Roma arriti të marrë një fitore bindëse kundër Bolonjës në javën e gjashtë të kampionatit italian. Reazultati 5-0 i ngjit kryeqytetasit në krye të tabelës së klasifikimit me 18 pikë, i vetmi ekip me pikë të plota.

Goli i parë u shënua nga Florenci pas një predhe të Pjaniç dhe pritjes së portierit bolonjez Çurçi. Brenda 45 minutave të para Roma shënon edhe dy gola të tjerë me anë të Xhervinjos dhe Benatias.

Skuadra e drejtuar nga Rudi Garsia nuk dorëzohet për asnjë moment edhe në pjesën e dytë, duke përshëndetur edhe dy herë të tjera portën e Bolonjës. Sërish Xhervinjo në minutën e 62-të dhe Ljajiç në të 85-n vulos takimin.

/Objektiv.al/