Kreu i shtetit Shqiptar, Bujar Nishani po zhvillon një takim në qytetin e durrësit

me Presidentin e Maqedonisë George Ivanov në kuadër të Takimit të 5-të Rajonal të Presidentëve.

Gjatë takimit mes presidentëve Nishani dhe Ivanov pritet të diskutohet për thellimin e bashkëpunimit mes dy vendeve. Takimi i bërë traditë tashmë i katër Presidentëve, përkatësisht të Shqipërisë, Kosovës, Malit të Zi dhe Maqedonisë ka nisur punimet ditën e

djeshme ndërsa sot samiti do të përmbyllet

me një konferencë për shtyp nga Presidentët.

Tematika kryesore, rreth së cilës është diskutuar në këtë Samit të pestë të radhës është: “Përqasje për shfrytëzimin praktik të mundësive për bashkëpunim rajonal më efikas”.

Synimi i këtij takimi ka qenë gjetja dhe shfrytëzimi i mëtejshëm i fushave me interes të përbashkët që çojnë drejt forcimit të marrëdhënieve të fqinjësisë së mirë dhe nxitjes së bashkëpunimit rajonal midis 4 vendeve.

/Xhevahir Qardaku/