Kreu i ri i Kuvendit,

Ilir Meta, ishte i pranishëm gjatë koferencës për 71-vjetorin e Konferencës së Pezës. Meta deklaroi para mediave se kjo konferencë duhet të na shërbejë të gjithëve për të qenë të bashkuar.

“Duhet të marrim mesazhe të qarta nga Konferenca e Pezës. Bashkimi dhe bashkëpunimi është në

interes të zhvillimit të kombit”, deklaroi Meta.

Më 16 shtator 1942 u mbajt në fshatin e Pezës, disa kilometra larg Tiranës, Konferenca e Pezës, e njohur në historinë e popullit shqiptar si kuvendi i parë pluralist. Protagonistë të këtij kuvendi ishin përfaqësues të krahinave dhe besimeve të ndryshme fetare, klasa dhe shtresa me bindje politike nga më të ndryshmet.

Në konferencë u diskutua organizimi i forcave në një luftë të përbashkët kundër okupatorit, organizim ky që mori emrin më vonë, Fronti Nacional-Çlirimtar.

/Xhevahir Qardaku/